"Harður bolti" ??!!

Í fyrsta lagi þá vil ég taka fram að ég er ekki að gera lítið úr þessu atviki og finnst sérstaklega leiðinlegt að lesa um svona ungt fólk sem að lætur lífið svona ungt.

En tilgangur bloggsins er að gera athugasemd við notkun mbl bloggara á setningunni:
"Sérstakur bolti er notaður í leiknum, en hann er ílangur og nokkuð harður."
 Þessi bolti er jú ílangur, en hann er ekkert harðari en nokkur annar íþróttabolti (sbr. fótbolta, körfubolta, handbolta) og því finnst mér mjög athugavert að skrifandi skuli taka þetta fram og þar af leiðandi gefa í skyn að það hafi verið valdur að dauða þessarar stúlku.

Það er ljóst að þetta slys hefði getað gerst með hvaða tegund af bolta sem er og vona innilega að þetta fæli enga frá þeirri frábæru íþrótt sem að rugby er. Hér er svo linkur á frétt "The Guardian" og "BBC" þar sem jú minnst er á það að hún hafi verið við leik í rugby. En hvergi er minnst á að tegund boltans hafi haft nokkuð með þetta að gera, né innri þrýsting (hversu harður) hann var.

 
mbl.is Lést eftir að hafa fengið bolta í sig
Tilkynna um óviðeigandi tengingu við frétt

Íslenska réttarkerfið að breytast í það Bandaríska ?

Það þekkja allir vel til þess, hvernig Bandaríkjamenn eru æstir í að kæra fólk og fyrirtæki vegna alls konar óhappa sem að kunna að verða á vegi þess. Meira að segja hafa þjófar kært húseigendur fyrir barsmíðar og fólk sem fengið hefur hjartahnoð hefur kært vegna brotinna rifbeina.

Þessi fásinna og vitleysa virðist vera að breiðast yfir Atlantshafið og að lenda á okkar strendur. Þetta Aratúnsmál og þau meiðyrðamál sem að hafa fylgt í kjölfarið eru farin að virðast ansi fáránleg og mér heyrist að sumt fólk sé komið með krónur í augunum.

Maður þorir varla að blogga núna um eftirmálin ! En jæja, hef rennt yfir þennan texta, engin meiðyrði þannig að þið fáið enga krónu útúr mér.
mbl.is Þegar fengið rúmar þrjár milljónir kr.
Tilkynna um óviðeigandi tengingu við frétt

Er þetta e-ð lélegt grín ?!?!

Ástæða steinolíunnar er til notkunar á vinnuvélum/-tækjum ! Það er vegna þess að þau nota talsvert meira af olíu heldur en hið hefðbundna ökutæki. Ef að fólk á ökutækjum er að misnota steinolíu þá er það hlutverk viðeigandi starfssema og stofnana að skoða olíusíur ökutækja til að ganga úr skugga um það hvort að fólk hafi notað steinolíu.

Það væri því hægt að bæta inní hina árlegu skoðun að skoða beri sérstaklega olíusíurnar. Það að skattleggja steinolíuna er ekki lausnin !
mbl.is Steinolían verður skattlögð
Tilkynna um óviðeigandi tengingu við frétt

átta mánuðir - 520 dagar ?

Vildi bara benda þýðanda fréttarinnar að hann hafi líklega ætlað að skrifa 320 daga, enda ógerlegt að koma 520 sólarhringum fyrir í 8 mánaða tímabili.
mbl.is Menn „gengu á Mars"
Tilkynna um óviðeigandi tengingu við frétt

Kjaftæði

Ég var nú á röltinu þarna eftir ferð í ríkið og þessi kona labbaði inní Landsbankann, hún réðst ekki þangað inn. Þegar hún var komin inn þá víst hrópaði hún hástöfum váyrði varðandi afskriftir bankans á 2,6 milljarða skuld Halldórs Ásgrímssonar. Þá var hún fjarlægð af öryggisvörðum en ekki lögreglu, svo kom lögreglan á svæðið og lokaði bankanum svo að aðrir mótmælendur kæmust ekki inn. Þá fór hún útí 10/11 og keypti egg sem að hún svo grýtti í bankann.
mbl.is Réðist inn í Landsbankann
Tilkynna um óviðeigandi tengingu við frétt

Af hverju ekki syngja á íslensku í lokakeppninni líka ?

Mér fyndist alls ekki leiðinlegt að sjá Ísland keppa í lokakeppninni einhvern tímann með lag á íslensku, við erum jú að senda lið fyrir hönd þess lands. Að vísu myndi lagið þá líklega ekki höfða til jafn margra og venjulega en mér fyndist það mun skemmtilegra að heyra íslenskt lag keppa í þessari keppni :D
mbl.is Eurovision-lögin á íslensku
Tilkynna um óviðeigandi tengingu við frétt

Er ekki í lagi með fólk ?

Það eru skemmtistaðir og næturklúbba svæði í öllum borgum heims, og í flestum bæjum heims líka. Það eru alltaf íbúabyggð nálægt og fólk sem kaupir húsnæði á svæðinu veit alveg við hverju það má búast. Ef að fólki líkar illa hávaðann þá verður það bara að flytja sig um set, það hefur enginn þvingað neinn til þess að flytja þangað og næturlíf borgarinnar var ekki að birtast þarna bara í gær.

 

Nú er ég ekki einu sinni búinn að minnast á það hve mikið af túristum koma til landsins útaf okkar "víðfræga" næturlíf. Þannig að ef að fólk þolir ekki lengur hávaðan þá bara tough luck. Það eina sem ég get mælt með er annaðhvort að fólk fái sér tvöfalt gler sem dregur úr hávaðamengun eða hætti þessu væli. 


mbl.is Óbærilegur hávaði um nætur
Tilkynna um óviðeigandi tengingu við frétt

Það var í fjórðungsúrslitum, ekki undanúrslitum.

  • Ferguson vonaðist til að fara með sína menn aftur í úrslitaleikinn og bæta þar upp fyrir tapið gegn Barcelona í fyrra en stjóranum varð ekki að ósk sinni. United tapaði fyrir Bayern München í undanúrslitunum en Bæjarar eru nú komnir í úrslit þar sem þeir mæta Inter.
Bara smá ábending, það var í fjórðungsúrslitum en ekki undanúrslitum sem að United tapaði fyrir Bæjara. Kíki aftur á eftir, ef það er breytt þá eyði ég þessu :P

mbl.is Ferguson: Algjör pína að horfa á leikina í sjónvarpinu
Tilkynna um óviðeigandi tengingu við frétt

Blaðamenn orðnir spákonur líka ?

Ég er ansi forvitinn á því úr hvaða hatti þessar tölur og spár eru dregnar úr. Það er ekkert sem bendir til þess að ummæli Ólafs Ragnars muni hafa nokkur áhrif á ferðamálaiðnað hér á landi þar sem við munum þurfa að bíða þar til eftir gosið til að sjá hvort að fólk sé að afbóka ferðir sínar þegar engin gos eru í gangi.

 

Finnst fólki virkilega skrítið að útlendingar skuli afpanta ferðir núna ? Það er ennþá lokað á mörgum flugvöllum, eyjafjallajökull gýs enn og við vitum ekkert hvort hann muni hætta á morgun eða hvort hann muni aukast á ný. Það er einfaldlega Ómögulegt að spá fyrir um það hvort að ummæli forsetans munu hafa þessi áhrif þegar að gosið stendur yfir. Þar að auki getur verið að fólk muni afpanta að gosinni lokinni vegna þess að þetta er í annað sinn sem að Eyjafjallajökull gýs eða þriðja ef þið teljið báðar sprungurnar á fimmvörðuhálsi í sitt hvoru lagi (sem ég vil samt ekki gera). Svo hver veit nema þriðja gosið fari af stað eftir að þessu gosi hafi linnað.

 

Svona spámennska er algjörlega byggð á kjaftæði og bulli, enda hafa spár og líkanir íslenska efnahagskerfisins sýnt sig og sannað síðustu árin að þau eru mesta kjaftæði sem hefur verið sett fram í fjölmiðlum síðustu áratuga svo hví ættum við að fara að treysta þessum "bissness" spámönnum núna.

 

Eins og fagfólkið segir: "No publicity, is bad publicity." 

 

Þetta er einfaldlega forsetinn okkar að gegna sinni skyldu og vara umheiminn við mögulegri hættu, hann er að vekja athygli á landinu og enn og aftur þá er hann að segja það sama og hann sagði við BBC sem er langstærsti fréttamiðill heims svo ég myndi ekki fara í kast yfir þessu núna ef ég væri annað fólk. En að sjálfsögðu má fólk fylgja sínum skoðunum og þetta gæti vel haft einhverjar afleiðingar á einu sviði en haft góðar afleiðingar á öðrum, en þegar fréttamiðill sem er svona mikið lesinn ákveður að kasta einhverjum stórum tölum útí loftið til að virðast e-ð svaka "professional" þá er mér farið að lítast illa á blikuna.

 

Fariði nú að sýna smá ábyrgð sem helsti fréttamiðill landsins.


mbl.is Dýrkeypt yfirlýsing forsetans
Tilkynna um óviðeigandi tengingu við frétt

Nú bíð ég eftir skítköstunum

Nú hefur Ólafur Ragnar sagt mjög svipað og Freysteinn í fréttum BBC í stað Reuters, báðir miðlar eru meðal stærstu í heiminum og hafa margir verið með einhvern áróður og skítkast gegn ÓRG. Hins hef ég á tilfinningunni að þó svo að sérfræðingur hafi núna gert slíkt hið sama muni hann ekki fá þetta skítkast eins og Óli, en ekki vegna þess að hann er sérfræðingur. Heldur vegna þess að fólk með þetta skítkast er held ég einfaldlega á móti forsetanum og nýtir hvert tækifæri til að rakka hann niður.

 

En nú þykir mér skemmtilegt að sjá hvort að fleiri ferðamálafræðingar fái móðursýkiskast yfir þessu eða hvort það einskorðist við forsetann og etv. aðra pólitíska menn/konur. Ég einfaldlega skil ekki í fólki að rakka niður aðra fyrir að segja sannleikann og fordæmi það fólk, það er ljótt af ykkur og leiðinlegt að fólk sem skilur ekki hversu mikla ábyrgð hann þarf að bera skuli sitja bakvið skjáinn og hreyta svoleiðis sóða út á netið.


mbl.is Missti af gosinu á Íslandi
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband